Nocerino ëndërron Napolin

Data e publiklimit: Friday, November 30th, 2012

Agjenti i Antonio Nocerinos, Marco Sommella, ka bërë një deklaratë sensacionale duke thënë se mesfushori i Milanit ëndërron që një ditë të luajë për Napolin.

Disa raportime nga mediat italiane, së fundmi kanë aluduar në një largim të mundshëm të Nocerinos nga Milani në afatin kalimtar dimëror. Por një gjë të tillë e ka demantuar agjenti i lojtarit, edhe pse ka konfirmuar se ai do të ishte i lumtur nëse një ditë do të veshë fanellën e Napolit.

“Nuk mendoj se Nocerino do të largohet nga Milani. Ai e ka një kontratë me klubin dhe tani është rikthyer në 11-shën startuese”, tha Sommela për Radio CRC.

“Ai është fans i Napolit dhe do të ishte njeriu më i lumtur në botë nëse një ditë do të luante për këtë ekip”, ka përfunduar në mënyrë sensacionale Sommella./SportIndeks.Com

Ky publikim eshte lexuar 380 here

Fjalët kyçe